اعرف نفسك
How to kow your self
الموضوع من عنوانه كده ازاى تعرف نفسك تعرف طبيعة جسمك تعرف جسمك محتاج تمارين ايه وتديله وتعرف محتاج راحة ولا انت ماكنة يعنى وربنا يبعد عنكم الحسد
تعرف انت محتاج سعرات قد ايه تعرف محتاج كارب وبروتين قد ايه
تعرف انت محتاج تنشف ولا تضخم طيب لو هتضخم لين ماس ولا تفتح فى الكلام
تعرف لو عندك الصدر تعبان العبه سوبر ولا دروب سيت
تعرف تعرف تعرف
بس يا عم ده انت رغاى اوى اوى
شكرا يا ذوق تصدق مش هاكمل ههههههههههههههههههههههه
بص يا عم الروش
اولا نقطة تعرفها هى طبيعة جسمك
انت انى نوع فى دول
اعرف طبيعة جسمك
طيب يا عم عرفت خلصنى بقى زهقت منك ومن المنتتدى بتاعك ده
معلش ما انا اسف لحضرتك معلش ربنا يهدينى واخلص على طول
حاضر
طيب بدام عرفت طبيعة جسمك ندخل على النقطتين الاهم
1-يا ترى انت محتاج تنشف ولا تضخم
طيب لو محتاج تضخم يا ترى انت ناقص دهون ولا طبيعة جسمك عك ربك يفك ولا بيبان عليك عك
2- طيب لو عرفت انت عاوز تضخم ولا تنشف عرفت تجيب النسب اللى محتاجها من التغذية
عرفت انت تقدر تدخل صح على الماس ولا البالك ولا الكات ولا اللوس
عمو عمو ممكن سوال هو هيفرق لو عرفت ولا اروح الجيم وكله هيتظبط وخلاص
بص يا جميل لو اى واحد دخل الجيم على اساس انه سحر ولا هيعمل حاجة بس مبدايا لو انت عاوز تخس او تنشف امشى على الموضوعين دول
ازاى تقسم بطنك وانا بقول جسمك كله
والموضوع الذهبى بتاع كابتن محمد شوقى
طيب ده لو عاوز تخس او تنشف طيب لو عاوز زيادة وزن وخلاص
ادخل على مواضيع كابتن احمد vecattey
اشمعنى
هو انا بجامله ادخل هنا وهنا
طيب لو عاوز ضخامة حلوة ادخل هنا
ايه ده برده احمد
يا جماعة والله لو عليا احط له موضوع اسطورى عن فقد الدهون ولا مش اى نسبة 3600 سعر يوميا دوروا عليه بقى لو عايزين
معلش يا ابو حميد لا يقولوا بجاملك
طيب يا رياسة انت ما وصلتناش لسا لبر الامان
اوك يا مان شوف الاول ازاى تحسب سعراتك من الموضوع ده
وادخل هنا وانت تعرف كام معلومة عن المنتجات العذائية ككل
[ندعوك للتسجيل في المنتدى أو التعريف بنفسك لمعاينة هذه الصورة] كمال الاجسام عبارة عن هرم من ثلاث قواعد القاعدة الاولى والاكبر وهى التغذية والقاعدة التى تليها وهى التمرين والقاعدة الاخيرة والمهمة المهملة وهى الراحة
هنتكلم فى مواضيع بعد كده عن التمرين والراحة
اما اليوم فانا هاسرد شوية معلومات عن القاعدة الاولى التغذية
يا جماعة فى ناس بتتكلم عن احتياج بروتينى واضرب فى وزن جسمك فى 2 وفى 3 وهكذا
انا عندى الاسلوب المثالى والمتعارف عليه من قبل الجميع
اللى هو ايه
المعدل الطبيعى لحرق الانسان يوميا هو 2000 سعر ممكن اضيف عليهم من 500 ل 1000 سعر كمان زيادة
على معدله ده نتيجة انه مثلا راجل رياضى او انه راجل نشيط وحركته كتيرة الحركة بركة فعلا
طيب ما عشان ازيد لازم اكسر الحد ده بعدد سعرات اعلى طيب اجيب السعرات دى من الدهون ما سهلة
وكمان انا مش عارف طبيعة جسمى لو هارد جاينر فانا هادخل على المعدل حوالى 100 زيادة
بس يا بنى انا تهت
طيب الفكرة تانى انك ليك معدل ثابت تقريبا بنضيف عليه معدل حرقك نتيجة ممارسة الرياضة ومعدل طبيعة جسمك واحيانا بيبقى بالناقص للناس اللى جسمها بيكون دهون كتير
فلو قلنا ان معدلنا 2000 يبقى انا محتاج ازود عن المعدل ده وليكن اوصل لحد 4000 او اكتر كل ما هزيد كل ما هضخم اكتر
طيب النسب بقى
انا محتاج فى فترة البلك 50 % من اكلى كربوهيدرات و 30 - 35 % بروتين و 12 - 20 % دهون
طبعا مع عدم اهمال الالياف والاملاح المتزنة اللى بنحصل عليها من الخضر والفواكه لما لها من دور هام فى تنظيم عمليات الهضم والبناء العضلي والنمو بشكل عام
والنسب دى نسب سعرات مش نسب وزن
يعنى ممكن معلقة السمنة تعادل ال 20 % مرتاح
طيب لكل 1 جرام بروتين 4 سعر حرارى
ولكل 1 جرام كارب 4 سعر ولكل 1 جرام دهون 9 سعر حرارى
وده متوسط
يعنى لو نسبتى 2000 سعر فى اليوم اضرب × 50÷100 = 1000 سعر
هيطلع 1000 اقسم على 4 اللى هو 4 سعر لكل واحد جرام كربوهيدرات يبقى الناتج 250 جرام كربوهيدرات فى اليوم اقسمهم على وجباتى واخدهم من مصادر مختلفة
طبعا مع مراعاة ان 250 جرام عبارة عن كربوهيدرات صافي ومش معنى انى اخدت 250 جرام ارز انى اخدت 250 جرام كربوهيدرات لا فى نسب لتواجد كل مكون غذائي فى نوع معين من البدائل الغذائية(الاطعمة المختلفة يعني)
طيب ده فى الضخامة فى التنشيف
اخد سعرات اقل من الاحتياج بتاعى
بمعنى انى لو سعراتى ومعدلى 2000 اخليهم 1500 او اقل بس ما يفضلش انزل اوى الا لو نسبة الدهون عالية اوى اوى
واقسم النسب كالاتى
40 % بروتين و45 % كل كربوهيدرات 15% دهون على الاكثر توزعهم على وجباتك على مدار اليوم مع مراعاة الاسس العامة للتغذية سواء فى فترة البلك او الكت
انا كده خلصت نبذة مختصرة فى موضوع
كل هدفى منه انى اخرجك عارف نفسك
اللعبة دى فهم قبل ما تكون عتالة ولعب باوزان وخلاص
ودايما بكرر
أعرف نفسك
(ما كان لك سيأتيك على ضعفك وما ليس لك لن تناله بقوتك )
وتذكر قول الله تعالى ((ما يلفظ من قول إلا لديه رقيب عتيد))
أنـــا شـــــــــاب لكن عمـــــــري ألـــف عــــــام
وحــــــــيد لكـــــــن بين ضـــلـــوعي زحــــــــام
خــــــــــايف و لكــن خوفــــــــــي مني أنـــــــــا
أخرس و لكــــــــــن قلبي مليــــــــان كــــــــــلام
عجـــــــبى .. !!
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
يخاطبني السفيه بكل قبح ***** فأكره أن أكون له مجيبا
يزيد ســـفاهة فأزيد حلما ***** كعود زاده الإحراق طيبا
إذا سبني نــذل تزايــدت رفــعه **** وما العيب إلا أن أكون مساببه
ولو لم تكن نفسي علي عزيزة**** لمكنتها من كل نذل تحـــــاربه
والصمت عن جاهل أو أحمق شرف ***** وفيه أيضاً لصون العرض إصلاح
أما ترى الأُسدّ تخشى وهي صامته ***** والكلب يُخزى لعمري فيه نباح
فلان في الورى لك شاتم *****وأنت له دون الخلائق تمدح
فقلت :ذروه ما به وطباعه ***** فكل إناء بالذي فيه ينضح